Written by Aaj uske bichde hue pure 2 saal ho gaye. Maine aakhri baar usse us gym me dekha tha. Wo… uski hasi… uff, aise jaise koi chandni raat ka chand ho. Lekin phir ek din achanak se wo gym aana band kar di. Jis tarah mano maine muskurana chhod diya ho. Aisa laga jaise koi gaya ho, kabhi na aane ke liye. Aaj mai uski yaadon me ye apni diary likh raha hu.
2 years ago…
Ek din wo pehli baar dikhi. Aisa laga jaise waqt ruk sa gaya. Mai to usse dekhta raha aur dumbbell seedha mere pair par gir gaya, kyuki tab mujhe laga hi nahi ke maine dumbbell bhi utha rakha hai. Usne mujhe dekha nahi.
Mai jo gym me bas timepass karne jata tha, kabhi kabhi hi jata tha, jab se wo dikhi mai daily jaane laga. Ek din to yaha tak hua ke wo nahi aayi aur mai poore din gym me reh kar uska intezar karta raha. Ye mera pagalpan badhta gaya. Jitna socha nahi tha, usse bhi zyada wo pasand aane lagi.
Dusre din wo aayi.
Maine usse dekha to aisa laga jaise sharir me jaan nahi hai. Kaafi khush, kaafi kamzor, aur pata nahi kya kya hone laga. Nahi likh sakta kya hua tha mujhe us din, shayad koi shabd usse bayan nahi kar payenge. Usne us din pehli baar mujhe notice kiya, ke ye bhi gym aata hai. Par shayad usse pata na chala, mai to bas uske liye aata hu.
Wo us din black dress pehen kar aayi thi. Kaafi pyari lag rahi thi. Uff, uske wo khule hue baal… mai to mar hi gaya uske is andaaz se. Mai kisi deewane ki tarah usse dekh raha tha, sirf usko. Mai kisi ko ghoor ke nahi dekhta, magar usse mai dekhta hi chala gaya, jaise mano koi kabu na ho khud par.
Phir agle din wo aayi. Mere dil ki dhadkan tez si ho gayi.
Maine usse nazar andaaz kiya, kyuki meri dil ki dhadkan kaafi tez thi. Mai nahi chahta tha usse pata bhi chale ke mai usse kitna chahta hu.
Par wo samne se chal kar aayi aur mujhse poochne lagi, “Aapke paas powerbank hai? Actually mera phone off ho gaya hai.” Us din mai pehli baar powerbank le kar gaya tha. Mera phone khud switch off tha, lekin unhe chahiye tha to maine de diya. Tab se wo powerbank maine kisi aur ko chhune bhi nahi diya.
Mujhse to dumbbell bhi nahi uthte the aur wo heavy weight karti thi.
Mujhe to khud se sharam aati thi. Phir ek din usne mujhe bataya, “Aise karo, tum bhi kar loge.” Mujhe samajh nahi aaya mai kya kahu. Mai shock tha. Phir mai koshish karne laga aur phir mujhse bhi hone laga. Mai to unhe dekhne jata tha, ab gym bhi karne laga.
Phir ek din main social media scroll kar raha tha aur apni ek friend ki following me maine usse dekha. Ye sabse bada shock tha mere liye, kyuki wo friend jo hamesha se mera bhala nahi chahta. Uff… kahani shuru hone se pehle hi khatam ho gayi.
Phir maine usse poocha,
“Kya aap inhe jaanti ho?” Uska jawab tha, “Haan, meri friend hai.” Unse bhi pooch liya, kya jaante ho inhe. Maine jhoot kaha, “Nahi, I thought ke aap jaante ho isiliye poocha.”
To maine bhi unse pooch liya, chai ya juice, kya pina pasand karogi. Phir hum coffee pine gaye, lekin kisi shop me coffee nahi thi. Mujhe us din aisa laga jaise itni kharab kismat meri hi kyun hai. Uske chehre se lag raha tha jaise wo jaanti thi yaha coffee nahi milti hai. Mai bhi to so-called hero hu, maine online order kar diya.
Sath me Coffee
Humne saath me coffee pi aur phir wo apne ghar chali gayi. Aur mai raste bhar usse sochta gaya.
Maine apni us friend ko message kiya, uski ID dekar poocha, “Kya aap isse jaanti ho?” Usne kaha nahi. Lekin phir uski ID se mai block ho gaya. Mujhe laga wo koi aur hogi. Phir agle din wo gym nahi aayi.
Aisa kya tha jo wo mujhe bata nahi sakti thi, ya unhe wo pata chal gaya jo hum kabhi the bhi nahi.
Rainy day…
Ye badal baraste hain ya rote hain, kyuki kisi ne kabhi baraste hue badal ko dekha hi nahi. Shayad wo baraste nahi, rote hain. Tabhi to kahi flood aa jata hai aur kahi bas itna ke sab dry hi reh jata hai.
https://roromomo.com/a-rainy-day-crying-cloud-or-crying-your-heart